| کہتے ہو نہ دیں گے ہم دل اگر پڑا پایا |
| دل کہاں کہ گم کیجیے؟ ہم نے مدعا پایا |
| عشق سے طبیعت نے زیست کا مزا پایا |
| درد کی دوا پائی، دردِ بے دوا پایا |
| دوست دارِ دشمن ہے! اعتمادِ دل معلوم |
| آہ بے اثر دیکھی، نالہ نارسا پایا |
| سادگی و پرکاری، بے خودی و ہشیاری |
| حسن کو تغافل میں جرات آزما پایا |
| غنچہ پھر لگا کھلنے، آج ہم نے اپنا دل |
| خوں کیا ہوا دیکھا، گم کیا ہوا پایا |
| حال دل نہیں معلوم، لیکن اس قدر یعنی |
| ہم نے بار ہا ڈھونڈھا، تم نے بارہا پایا |
| شورِ پندِ ناصح نے زخم پر نمک چھڑکا |
| آپ سے کوئی پوچھے تم نے کیا مزا پایا |
بحر
|
ہزج مثمن اشتر
فاعِلن مفاعیلن فاعِلن مفاعیلن |
اشعار کی تقطیع
تقطیع دکھائیں
معلومات