29 جولائی 2020
غزل
avatar مرزا غالب
کہتے ہو نہ دیں گے ہم دل اگر پڑا پایا
دل کہاں کہ گم کیجیے؟ ہم نے مدعا پایا
عشق سے طبیعت نے زیست کا مزا پایا
درد کی دوا پائی، دردِ بے دوا پایا
دوست دارِ دشمن ہے! اعتمادِ دل معلوم
آہ بے اثر دیکھی، نالہ نارسا پایا
کہتے ہو نہ دیں گے ہم دل اگر پڑا پایا

فاعِلن مفاعیلن فاعِلن مفاعیلن

5
1
3886
29 جولائی 2020
شعر
avatar مرزا غالب
ہے کہاں تمنّا کا دوسرا قدم یا رب
ہم نے دشتِ امکاں کو ایک نقشِ پا پایا
ہے کہاں تمنّا کا دوسرا قدم یا رب

فاعِلن مفاعیلن فاعِلن مفاعیلن

0
1525
29 جولائی 2020
غزل
avatar مرزا غالب
کار گاہ ہستی میں لالہ داغ ساماں ہے
برقِ خرمنِ راحت، خونِ گرمِ دہقاں ہے
غنچہ تا شگفتن ہا برگِ عافیت معلوم
باوجودِ دل جمعی خوابِ گل پریشاں ہے
ہم سے رنجِ بیتابی کس طرح اٹھایا جائے
داغ پشتِ دستِ عجز، شعلہ خس بہ دنداں ہے
کار گاہ ہستی میں لالہ داغ ساماں ہے

فاعِلن مفاعیلن فاعِلن مفاعیلن

1
533
29 جولائی 2020
غزل
avatar مرزا غالب
ذکر اس پری وش کا، اور پھر بیاں اپنا
بن گیا رقیب آخر تھا جو راز داں اپنا
مے وہ کیوں بہت پیتے بزمِ غیر میں یا رب
آج ہی ہوا منظور اُن کو امتحاں اپنا
منظر اک بلندی پر اور ہم بنا سکتے
عرش سے اُدھر ہوتا، کاشکے مکاں اپنا
ذکر اس پری وش کا، اور پھر بیاں اپنا

فاعِلن مفاعیلن فاعِلن مفاعیلن

0
1232