| نمائش پردہ دارِ طرز بیدادِ تغافل ہے |
| تسلّی جانِ بلبل کے لیے خندیدنِ گل ہے |
| نمودِ عالَمِ اسباب کیا ہے؟ لفظِ بے معنی |
| کہ ہستی کی طرح مجھ کو عدم میں بھی تامّل ہے |
| نہ رکھ پابندِ استغنا کو قیدی رسمِ عالم کا |
| ترا دستِ دعا بھی رخنہ اندازِ توکّل ہے |
| نہ چھوڑا قید میں بھی وحشیوں کو یادِ گلشن نے |
| یہ چاکِ پیرہن گویا جوابِ خندۂ گل ہے |
| ابھی دیوانگی کا راز کہہ سکتے ہیں ناصح سے |
| ابھی کچھ وقت ہے غالبؔ ابھی فصلِ گل و مُل ہے |
بحر
|
ہزج مثمن سالم
مفاعیلن مفاعیلن مفاعیلن مفاعیلن |
اشعار کی تقطیع
تقطیع دکھائیں
معلومات