| ہجومِ نالہ ، حیرت عاجزِ عرضِ یک افغاں ہے |
| خموشی ریشۂ صد نیستاں سے خس بدنداں ہے |
| تکلف بر طرف، ہے جانستاں تر لطفِ بد خویاں |
| نگاہِ بے حجابِ ناز تیغِ تیزِ عریاں ہے |
| ہوئی یہ کثرتِ غم سے تلف کیفیّتِ شادی |
| کہ صبحِ عید مجھ کو بدتر از چاکِ گریباں ہے |
| دل و دیں نقد لا، ساقی سے گر سودا کیا چاہے |
| کہ اس بازار میں ساغر متاعِ دست گرداں ہے |
| غم آغوشِ بلا میں پرورش دیتا ہے عاشق کو |
| چراغِ روشن اپنا قلزمِ صرصر کا مرجاں ہے |
بحر
|
ہزج مثمن سالم
مفاعیلن مفاعیلن مفاعیلن مفاعیلن |
اشعار کی تقطیع
تقطیع دکھائیں
معلومات