جب وہ بُت ہمکلام ہوتا ہے - داغ دہلوی - عروض

29 جولائی 2020
غزل

داغ دہلوی

جب وہ بُت ہمکلام ہوتا ہے

دل و دیں کا پیام ہوتا ہے

اُن سے ہوتا ہے سامنا جس دن

دور ہی سے سلام ہوتا ہے

دل کو روکو کہ چشمِ گریاں کو

ایک ہی خوب کام ہوتا ہے

آپ ہیں اور مجمعِ اغیار

روز دربارِ عام ہوتا ہے

زیست سے تنگ ہیں نہ چھیڑ ہمیں

دیکھ غصہ حرام ہوتا ہے

لیجے موسیٰ سے لن ترانی کے

اب تو ہم سے کلام ہوتا ہے

داغ کا نام سُن کے وہ بولے

آدمی کا یہ نام ہوتا ہے

جب وہ بُت ہمکلام ہوتا ہے

بحر

3

2307

اشعار کی تقطیع

تقطیع دکھائیں