| رفتارِ عمر قطعِ رہِ اضطراب ہے |
| اس سال کے حساب کو برق آفتاب ہے |
| میناۓ مے ہے سروِ نشاطِ بہار سے |
| بالِ تَدَر و جلوۂ موجِ شراب ہے |
| زخمی ہوا ہے پاشنہ پائے ثبات کا |
| نے بھاگنے کی گوں، نہ اقامت کی تاب ہے |
| جادادِ بادہ نوشیِ رنداں ہے شش جہت |
| غافل گماں کرے ہے کہ گیتی خراب ہے |
| نظّارہ کیا حریف ہو اس برقِ حسن کا |
| جوشِ بہار جلوے کو جس کے نقاب ہے |
| میں نامراد دل کی تسلّی کو کیا کروں |
| مانا کہ تیری رخ سے نگہ کامیاب ہے |
| گزرا اسدؔ مسرّتِ پیغامِ یار سے |
| قاصد پہ مجھ کو رشکِ سوال و جواب ہے |
بحر
|
مضارع مثمن اخرب مکفوف محذوف
مفعول فاعلات مفاعیل فاعِلن |
اشعار کی تقطیع
تقطیع دکھائیں
معلومات