| گر خامشی سے فائدہ اخفائے حال ہے |
| خوش ہوں کہ میری بات سمجھنی محال ہے |
| کس کو سناؤں حسرتِ اظہار کا گلہ |
| دل فردِ جمع و خرچِ زباں ہائے لال ہے |
| کس پردے میں ہے آئینہ پرداز اے خدا |
| رحمت کہ عذر خواہ لبِ بے سوال ہے |
| ہے ہے خدا نہ خواستہ وہ اور دشمنی |
| اے شوقِ منفعل! یہ تجھے کیا خیال ہے |
| مشکیں لباسِ کعبہ علی کے قدم سے جان |
| نافِ زمین ہے نہ کہ نافِ غزال ہے |
| وحشت پہ میری عرصۂ آفاق تنگ تھا |
| دریا زمین کو عرقِ انفعال ہے |
| ہستی کے مت فریب میں آ جائیو اسدؔ |
| عالم تمام حلقۂ دامِ خیال ہے |
بحر
|
مضارع مثمن اخرب مکفوف محذوف
مفعول فاعلات مفاعیل فاعِلن |
اشعار کی تقطیع
تقطیع دکھائیں
معلومات