| واقف نہیں اِس راز سے آشفتہ سراں بھی |
| غم تیشۂ فرہاد بھی غم سنگِ گراں بھی |
| اُس شخص سے وابستہ خموشی بھی بیاں بھی |
| جو نِشترِ فصّاد بھی ہے اَور رگِ جاں بھی |
| کِس سے کہیں اُس حُسن کا افسانہ کہ جِس کو |
| کہتے ہیں کہ ظالم ہے، تو رُکتی ہے زباں بھی |
| ہاں یہ خمِ گردن ہے یا تابانیٔ افشاں |
| پہلو میں مِرے قوس بھی ہے، کاہ کشاں بھی |
| اَے چارہ گرو چارہ گرو ہم کو بتاؤ |
| کیا اَیسے ہی آثار نمایاں ہیں وہاں بھی |
| چونکی ہے وُہ کِس ناز سے، اَے صُبحِ خوش آغاز |
| زُلفوں کی گھٹا بھی ہے چراغوں کا دُھؤاں بھی |
بحر
|
ہزج مثمن اخرب مکفوف محذوف
مفعول مفاعیل مفاعیل فَعُولن |
اشعار کی تقطیع
تقطیع دکھائیں
معلومات