| زندگی بھی عجب کہانی ہے |
| رائیگانی ہی رائیگانی ہے |
| کرتے روتابیِ محبت ہم |
| یہ بَلا لیکن آسمانی ہے |
| سب فنا ہو گا، سب فنا ہوں گے |
| بس محبت ہی جاودانی ہے |
| جب اُنہیں دیکھ کر نکل پڑیں اشک |
| پھر کَہے کون؟ بے زبانی ہے |
| جان سے جا رہا ہوں مَیں، پھر بھی |
| وَہی اصرارِ لن ترانی ہے |
| اُن کے در تک رسائی پا لینا |
| کامیابی ہے کامرانی ہے |
| محض ملتا ہے مسجدوں میں خدا |
| شیخ کو کیسی بد گُمانی ہے |
| قید اپنے مکان میں ہیں سب |
| شہر میں کیسی لامکانی ہے |
| دلِ شاہدؔ کی خیر ہو یارب |
| شادمانی سی شادمانی ہے |
معلومات