| غزل |
| محبت اِک حکایت ہے |
| محبت اِک حقیقت ہے |
| محبت ہے تو رحمت ہے |
| محبت خوب صورت ہے |
| ہوس سے پاک و پاکیزە |
| محبت ہی محبت ہے |
| کشش جس کی نہ کم ہو گی |
| محبت ہی وہ زینت ہے |
| ملائک کی طرح فطراً |
| محبت نیک طینت ہے |
| محبت کے خریدارو |
| محبت بیش قیمت ہے |
| رگوں میں خون گرمائے |
| محبت کی یہ فطرت ہے |
| خوشی سے جاں لٹا دینا |
| محبت کی روایت ہے |
| خدا ملتا ہے کب لیکن |
| محبت ایک صورت ہے |
| اگر سمجھو تو کعبہ بھی |
| محبت کی علامت ہے |
| ولی کر دے جو انساں کو |
| محبت وە ریاضت ہے |
| حصارِ ذات سے باہر |
| محبت ہی محبت ہے |
| ازل سے تا ابد قائم |
| محبت کی روایت ہے |
| محبت فاتحِ عالم |
| محبت میں وہ طاقت ہے |
| ادھورہ ہر کوئی جِس بِن |
| محبت ہی وہ نعمت ہے |
| یہ ہر دکھ کا مداوە ہے |
| محبت تو شفاعت ہے |
| صباحت کا حسیں ہر پَل |
| محبت کی بدولت ہے |
| شہاب احمد مرے دل پر |
| محبت کی حکومت ہے |
| شہاب احمد |
| ۱۰ مئی ۲۰۲۳ |
معلومات