| جو کھڑا ہوں جائے نماز پر رہے فرش پر ہی مری نظر |
| میں دراز قد نہ سہی مگر مرا دل ر ہے تِرے عرش پر |
| میں فدائے دینِ ہدیٰ رہوں درِ مصطفےٰ کا گدا رہوں |
| ترے ذکر سے رہیں لب یہ تر کروں زندگی کا میں یوں سفر |
| مری سوچ اتنی بلند ہو پڑی کہکشاں پہ کمند ہو |
| وہ جو نقش ہو مری لوح پر ملے مرتبہ وہ بلند تر |
| مرا علم ہو مرا رہنما جو مرے عمل میں دکھائی دے |
| کرے دُور ظلمتِ دل سدا مرا نور ہو مرا راہبر |
| مرا عزم ایسا صمیم ہو کوئی جیسے کوہِ عظیم ہو |
| میں جیوں تو سچ ہو زبان پرجو ہو جاں فدا اسی راہ پر |
| مرا تُجھ پہ پُختہ یقین ہو ترے در پہ میری جبین ہو |
| جو ہو راستہ کبھی پُر خطر مجھے خوف ہو نہ کوئی ہو ڈر |
| جو ملیں مجھے تری نعمتیں مرے پاس ہیں وہ امانتیں |
| ہیں عطا ہوئے جو بھی مال و زر بڑے نیک دُختر و پسر |
| مرا آقا سب پہ ہے مہرباں رکھے درد جس نے سبھی نہاں |
| اُسے تجھ سے ہو وہ عطا شفا نہ ہو سُقم کوئی نہ ہو کسَر |
| وہ جو تیرا بندہ ہے طارق اب کرے عاجزی سے یہ التجا |
| تری رحمتوں کا کُھلا ہے در مری سُن تُو ہو کے قریب تر |
معلومات