| ربیع الاول تمام خلقت نثار تیری چہل پہل پر |
| زمانے بھر کی ہر اک مسرت نثار تیری چہل پہل پر |
| ربیع الاول کا چاند نکلا ، خوشی کا ہر سمت ہے اجالا |
| شمیمِ زلفِ عروسِ طلعت نثار تیری چہل پہل پر |
| خداے واحد کا نام لینا ، جہاں تھا جرمِ عظیم ٹھہرا |
| جمادیا تو نے نقشِ وحدت نثار تیری چہل پہل پر |
| تمام نبیوں نے دی بشارت کہ آنے والے ہیں جانِ رحمت |
| شَرَف کے گوہر ہر اک فضیلت نثار تیری چہل پہل پر |
| یہ تیری آمد کا دبدبہ تھا ، تمام بت اوندھے منہ گرے تھے |
| نہ کیوں ہو ہر ایک شان و شوکت نثار تیری چہل پہل پر |
| گھروں کو اپنے سجائیں گے ہم ، خدا سے انعام پائیں گے ہم |
| کریں گے اپنی عزیز دولت نثار تیری چہل پہل پر |
| مسرتوں کے پرند چہکیں ، خوشی کے نغمات ہر سو گائیں |
| کرے مشاہد بھی ذوقِ مدحت نثار تیری چہل پہل پر |
معلومات