| جس دم ہوئے امامِ حسن عسکری شہید |
| لرزی زمیں کہ زہرِ دغا اتنا تھا شدید |
| امت نے ہی چراغِ امامت بجھا دیا |
| روتی ہے کائنات سحر بھی ہے آب دید |
| خوں کو اگلتا دیکھا تو کہتی تھی یہ بَہن |
| اللہ بچا لے بھائی کو، ہے آخری امید |
| یثرب میں غمزدہ ہیں رسولِ خدا بہت |
| ثانی حسن ع پہ کرتے ہیں ظالم ستم مزید |
| زہرا ع کے گلستاں پہ مصیبت یہ ڈھائی ہے |
| خاموش کائنات کا بھی کر دیا رشید |
| مولا ع نے آنے دی نہ کوئی آنچ دین پر |
| جاں کردی فدا دین پہ یوں بچ گئی توحید |
| صائب یتیم ہو گئے یوں آخر الزماں ع |
| سایہ پدر کا اٹھ گیا صدمہ بھی ہے شدید۔ |
معلومات