| خزاں کی رت میں گلاب لہجے میں کیا سناؤں ؟ سوال یہ ہے |
| دکھوں کو سہہ کر بھی کیا ضروری ہے مسکراؤں ؟ سوال یہ ہے |
| ہزار لغزش پہ درگزر کرنے والے ملتے ہیں اب کہاں پر |
| جو توڑ دیتے ہیں سب تعلّق تو کیوں نبھاؤں ، سوال یہ ہے |
| ہے یوں تو آساں کسی کو دینا یہ مشورہ ہم کو بھول جائے |
| بسا ہے جو میرے دل میں ، اس کو میں کیوں بھلاؤں ، سوال یہ ہے |
| مزاج اس کا ، جواز اپنا ، خیال اس کا ،سوال اپنا |
| جواب جو بھی ملا ہے سب کو میں کیوں بتاؤں ، سوال یہ ہے |
| سنی ہیں اب تک جو گالیاں اور ہوئی ہیں مسموم جو فضائیں |
| لہو کے چھینٹوں سے کیوں نہ دامن ذرا بچاؤں ، سوال یہ ہے |
| ہیں دل تو زخمی ، کراہ اپنی ہے روک رکھی ، خدا کی خاطر |
| بنے گی جو آہ کیوں نہ ایسی صدا لگاؤں، سوال یہ ہے |
| رضا خدا کی عزیز طارِق ، اسی کی خاطر ہے جینا مرنا |
| کہوں گا کیا گر ہے تیری مرضی تو جاں سے جاؤں ، سوال یہ ہے |
معلومات