| محبتوں میں ہمیں خود سے بے نیاز کرے |
| نگہ ء یار کبھی یوں بھی سرفراز کرے |
| رگ جاں سے وہ ہماری قریب ہو کے کبھی |
| بلند ہم کو کرے ، آشنائے راز کرے |
| سکوں دلوں کا ملے بھیگتی رتوں میں کوئی |
| عطا ہمیں جو ادائیں وہ دل نواز کرے |
| طویل زندگی کا ہے سفر یہ اس سے کہو |
| وہ زلف کھولے نہ دستے طلب دراز کرے |
| جنوں ہے عشق یا ہے خبط یہ عقیدتوں کا |
| جاں بے خودی میں پڑی کیسے امتیاز کرے |
| ہے قسمتوں میں مری دید یار کی کہ نہیں |
| یہ فیصلہ بھی کڑا ، منزل حجاز کرے |
| صلیب بدلے میں حاصل ہو الفتوں میں مجھے |
| ملوں جو خاک میں شاہد وفا بھی ناز کرے |
معلومات