بیچ کر اپنا مکاں جب بے مکاں ہونا پڑا |
اچھّے خاصے آدمی کو خستہ جاں ہونا پڑا |
سنتے آئے تھے کہ وہ کافی تلوّن خیز ہیں |
جب ذرا پالا پڑا تو ہم زباں ہونا پڑا |
کل سرِ محفل کسی نے بات کچھ ایسی کہی |
روک تو سکتا تھا لیکن بے زباں ہونا پڑا |
دولت و طاقت کی خواہش نے مجھے رسوا کیا |
ہوتے ہوتے ظالموں کا ترجماں ہونا پڑا |
پاؤ بھر آٹے سے پورا گھر چلا سکتی نہیں |
بھُوک کی شدّت کو روزے کی زباں ہونا پڑا |
کتنا جبر و جَور ہے اس دَور میں لیکن امید |
خامہ فرساؤں کی چُپ کپر بد گماں ہونا پڑا |
معلومات