دم بہ دم

"مرے دل میں ہے تری آرزو، مرے لب پہ بس ترا نام ہے"

ترا ذکر کرتا ہوں دم بہ دم، یہی صبح و شام کا کام ہے

ترا ذکر کرتا ہوں دم بہ دم، رہا خوف مجھ کو نہ کوئی غم

ترا ذکر ہوگا کبھی جو کم، تو یہ سانس لینا حرام ہے

دلِ بے قرار کی جستجو، کرے چشم تر تری آرزو

مرے چشم و دل مری آبرو، وہ شراب ہے تو یہ جام ہے

مری قلب میں ہے عیاں عیاں، تو جسد میں میرے نہاں نہاں

ترا جلوہ قلب میں کہکشاں، تو ظہور بر سرِ عام ہے

ہے یہ کون مجھ میں جو بولتا، مرے مجھ پہ راز ہے کھولتا

یہ جو نور مجھ میں ہے گھولتا، یہ وَہَام ہے کہ پیام ہے

تو خلیفِ حق ہے تو حق اگر، تو تُو وصفِ حق پہ ہی رکھ نظر

تو خلیفہ حق کا تو خلق گر، تری نائبی بھی دوام ہے

تو سراپا آئینہ یار کا، تو نشان یار کے پیار کا

تو پتہ ہے اس کے دیار کا، تو ذکؔی جو اس کا غلام ہے