| غزل |
| دل سے دل کی جب بہم ہونے لگی |
| گفتگو بھی کم سے کم ہونے لگی |
| نا سمجھ، حساس دل، بے فائدہ |
| ہنستے ہنستے، آنکھ نم ہونے لگی |
| پیش گوئی ہے بڑے طوفان کی |
| موج میں پھر موج ضم ہونے لگی |
| پُر گھٹن ماحول ہے لمبا سفر |
| دِل گرانی ہر قدم ہونے لگی |
| چھوڑ کر عشرت، فقیری کی طلب |
| اَوک میری جامِ جم ہونے لگی |
| آشنا جب سے ہُوا پیرِ مغاں |
| دَھم دَھما دَھم، دَم بہ دَم ہونے لگی |
| شاخ ایسی سے مماثل ہو شہاب |
| بوجھ سے میووں کے خم ہونے لگی |
| شہاب احمد |
| ۲۳ اکتوبر ۲۰۲۶ |
| رمل مسدس محذوف |
| فاعِلاتن فاعِلاتن فاعِلن |
معلومات