| عید کا دن آ رہا ہے ہو خوشی کا اِہتِمام |
| ساتھ اپنے لا رہا ہے وہ خوشی کا اک پیام |
| خوشنما رونق ہے ہر سو مسکراتا ہے چمن |
| عید تو دل سےمنائیں مل کے سب اہلِ وطن |
| ہر طرف سے لا رہا ہے بس محبت کا پیام |
| عید کا دن آ رہا ہے ہو خوشی کا اہتمام |
| ساتھ اپنے لا رہا ہے وہ خوشی کا اک پیام |
| عید لےکر آرہی ہے ساتھ اپنے ہرخوشی |
| عید کا تحفہ مبارک ہو سبھی کو ہر گھڑی |
| لےکے رمضاں جا رہا ہے برکتوں کا یہ نظام |
| عید کا دن آ رہا ہے ہو خوشی کا اہتمام |
| ساتھ اپنے لا رہا ہے وہ خوشی کا اک پیام |
| دشمنی دل سے مٹا کر سب کریں بس دوستی |
| نفرتیں دل سے مٹا کر سب منائیں ہر خوشی |
| وقت یہ جو مل رہا ہے غم بھلا دیں ہاں تمام |
| عید کا دن آ رہا ہے ہو خوشی کا اہتمام |
| ساتھ اپنے لا رہا ہے وہ خوشی کا اک پیام |
| روزہ داروں کو ملے گا اُن کے روزوں کا ثمر |
| ہر مسلماں تو لگائے نیکیوں کا اک شجر |
| بعد رمضاں آرہا ہے دن خوشی کا سب کے نام |
| یاد تم ریان کو رکھنا دعا میں ہر گھڑی |
| ہاں منور کو بھی دینا بس دعائیں تم سبھی |
| عید کا دن آرہا ہے ہو خوشی کا اِزْدِحام |
معلومات