ہر جگہ تیرا عکس بنائیں تو کیا کریں؟ |
اِک پل بھی تجھ کو بھول نہ پائیں تو کیا کریں؟ |
اُن کو خبر نہیں کہ پریشان ہم بھی ہیں |
یہ لوگ اپنے دکھڑے سنائیں تو کیا کریں؟ |
چہرے کا رنگ زرد ہے آنکھیں اُداس ہیں |
جاتے ہوئے وہ ہاتھ ہلائیں تو کیا کریں؟ |
دل کو قرار روح کو اِک پل سکوں نہیں |
اُس کی دعائیں رنگ جو لائیں تو کیا کریں؟ |
ہم نامراد ٹھہرے تمہارے نہیں ہوئے |
تم ہی بتاؤ مر ہی نہ جائیں تو کیا کریں؟ |
کرتے نہیں یقیں وہ تردد کے باوجود |
قسمیں بھی کھائیں وعدے نبھائیں تو کیا کریں؟ |
اِس بے رخی سے گفتگو کرتے ہیں شوخ جی |
وہ میرے دل پہ تیر چلائیں تو کیا کریں؟ |
معلومات