تری دسترس سے باہر،نہیں کوئی بھی نہیں ہے |
کہیں کوئی تجھ سے بڑھ کر ،نہیں کوئی بھی نہیں ہے |
تو غفور تو ہی رافع تو وکیل تو ہی واسع |
نہیں کو ئی تجھ سے بہتر ،نہیں کوئی بھی نہیں ہے |
تو نہیں کہاں کہاں پر، تو محیط ہر جہاں پر |
کوئی اور تیرا ہم سر ، نہیں کوئی بھی نہیں ہے |
تو ہی نور تو اجالا، تو نہیں تو سب ہے کالا |
تری طرح سے منوّر ، ،نہیں کوئی بھی نہیں ہے |
تو بصیر تو قوی ہے تو متین تو ولی ہے |
کو ئی اور تجھ سے برتر ، ،نہیں کوئی بھی نہیں ہے |
تو ہی ربِّ دو جہاں ہے ترے پاس ہی اماں ہے |
ترے جیسا شاہ و اکبر ،نہیں کوئی بھی نہیں ہے |
تو رحیم تو ہی مومن، تو عزیز تو مُہیمِن |
کوئی اور المصوَر ، ،نہیں کوئی بھی نہیں ہے |
معلومات