| وہ جس کا نام زمانے میں یار غیرت ہے |
| دکھائی دیتی نہیں ہے کہیں بھی حیرت ہے |
| ہمارے خون سے چلتی ہے راج دھانی بھی |
| ہمارے خون کی پوچھو نہ کتنی قیمت ہے |
| مرے عزیز مرے ہم نوا مرے محسن |
| یقین کر مجھے تجھ سے بڑی محبت ہے |
| کرم خدا کا کہ انساں جدید دور میں ہے |
| گئے زمانے سے اب تو بڑی سہولت ہے |
| لڑائی ہندو مسلماں میں ہو نہیں ورنہ |
| یہ ساری آگ لگاتی تو یہ سیاست ہے |
| رہا کیے گئے ظالم ہیں قید میں مظلوم |
| یہی ہے عدل تمہارا یہی عدالت ہے |
معلومات