| تقصیر آپ کیجے نہ عہدِ شباب میں |
| رکھیے چھپا کے حسن کو اپنے نقاب میں |
| کارِ فضول سارے کیے ہیں شتاب میں |
| بس ہم نے دیر کردی ہے کارِ ثواب میں |
| لکھنے کی تھی جو بات محبت کے باب میں |
| لکھنا وہی میں بھول گیا ہوں کتاب میں |
| بنیادِ اعتبار ہی ہل جائے گی اگر |
| لکھ دیں کہانیاں جو حقیقت کے باب میں |
| ہرگز برا نہ مانیے ماں باپ کا کہا |
| ہوتی ہیں ان کی شفقتیں پنہاں عتاب میں |
| ظالم نے پھاڑ ڈالے وہ اوراق دوستو |
| آیا جہاں بھی ذکر ہمارا کتاب میں |
| لطفِ نگاہِ ناز یگانہ ہے ساقیا |
| ہرگز نہیں ہے بات وہ جامِ شراب میں |
| یاروں کی میرے یاریاں کتنی عجیب ہے |
| اپنی خطا وہ لکھتے ہیں میرے حساب میں |
| کہتا ہے جونؔ چائے ہے افضل ترین شے |
| اور فارحہ کہے کہ مزہ ہے شراب میں |
| نکلے ہر ایک حرف سے چشمے علوم کے |
| حسانؔ لکھ تو ایسی عبارت کتاب میں |
معلومات