| تم سے اب کیسے کَہوں اے مِرے بیگانَہِ دل |
| اب تو کچھ یاد نہیں مجھ کو بھی افسانَہِ دل |
| تم تو آرام سے ہو غیر کے پہلو مِیں مَگر |
| کس مُصیبت میں ہے دیکھو زَرا دیوانَہِ دل |
| مر تو جاؤں تِرے کہنے پہ مگر یہ خواہش |
| جانِ جاناں مِرا مدفن ہو تِرا خانَہِ دل |
| نہیں ممکن ہی نہیں ہے کہ اُجڑ جائے گا |
| اُن کے جلووں سے ہے آباد یہ کاشانَہِ دل |
| شمع رُو بھی ابھی حُجرے سے نہیں نکلا تھا |
| کہ اُڑا جا رَہا تھا شوخی سے پروانَہِ دل |
| پھیکا لگنے لَگا اُس بزم مِیں جب قصَہِ قیس |
| پھر سُنایا گیا واں پر مِرا افسانَہِ دل |
| اہلِ محفل کو تڑپنے کا ہے دھوکہ لیکن |
| لطف اُٹھاتا ہے یونہی جھوم کے مستانَہِ دل |
| چَل دِیے شمع جَلا کر وہ نَجانے کَہاں پر |
| رات بھر جلتا رَہا بزم مِیں پروانَہِ دل |
| دل مِیں اُن کی ہے تمنا تو یہ سُن لے شاہدؔ |
| ہاتھ آتے نہیں ہیں وہ کبھی بے دانَہِ دل |
معلومات