| مجھے تم اپنے دامن میں چھپا لیتی تو اچھا تھا |
| یہاں در در کی ٹھوکر سے بچا لیتی تو اچھا تھا |
| جہاں پر ہم ملے تھے میں وہیں پر چھوڑ آیا تھا |
| مرا دل منتظر کب سے اٹھا لیتی تو اچھا تھا |
| وہ اتنے قیمتی کب تھے چھپا کر کیوں انہیں رکھا |
| وہ پتھر ہو گئے ان کو بہا لیتی تو اچھا تھا |
| بھروسہ پیار پر تم کھو چکی تھی جب ملی مجھ سے |
| تم آخر میں مجھے بھی آزما لیتی تو اچھا تھا |
| ادھوری ہی رہی خواہش تمہیں میں کہہ سکوں اپنا |
| مجھے اک لمحے کو اپنا بنا لیتی تو اچھا تھا |
معلومات