| درد بکتا ہے ، دعا بکتی ہے |
| اس زمانے میں شفا بکتی ہے |
| یار بکتا ہے کہیں گلیوں میں |
| پیار کے ساتھ ، وفا بکتی ہے |
| لگتا ہے روز جہاں میں میلہ |
| شہر الفت میں جفا بکتی ہے |
| رنگ ، رخسار وہ جگنو ، شامیں |
| پھول کی خوشبو صبا بکتی ہے |
| ساز کی لے پہ تڑپتا ہے سر |
| دھن پہ سنگیت ، صدا بکتی ہے |
| دنیا میں لگتی ہے سب کی قیمت |
| بیچ بازار ردا بکتی ہے |
| کون چڑھتا ہے یہاں نیزے پر |
| سر سے دستار جدا بکتی ہے |
| عشق ہارے نہیں ممکن شاہد |
| جگ میں پر میرے حنا بکتی ہے |
معلومات