| روضہ رسول کا ہے عشاق کا نشانہ |
| ہر فیض کا یہ مخزن ہر خیر کا ٹھکانہ |
| نوری نگر مدینہ مقصودِ قلب و سینہ |
| جس کو سجائے پیارا سرکار کا گھرانہ |
| گر ہوتے طیبہ ہم، انصارِ مصطفیٰ میں |
| پھر دیکھتے مدینے سرکار کا زمانہ |
| سب سے حسیں خلق میں پیارے حبیبِ رب ہیں |
| بیٹھے مدینے میں ہیں، یا عرشِ رب ہے ٹھانہ |
| ہجرِ نبی میں بِسمل جو من تڑپ رہا ہے |
| کوچے میں مصطفیٰ کے مانگے یہ آب و دانہ |
| یہ یاد مصطفیٰ کی بربط ہے جان و دل کی |
| سنگار بھی ہے لب کا اُس یار کا ترانہ |
| محمود کی دعا ہے مولا حضور تیرے |
| زینہ ہو مصطفیٰ کا اس کا سدا ٹھکانہ |
معلومات