| کیوں خوابوں کے جال بُنیں |
| اک مدت سے سوچ رہا ہوں |
| تم سے دل کی بات کہوں |
| اپنے پاس بٹھا کر تم کو |
| چاہت کا اظہار کروں |
| کاش کوئی ان سونے والے |
| جذیوں کو بیدار کرے |
| بانہوں میں پھر ڈال کے بانہیں |
| حد سے بڑھ کر پیار کرے |
| پل دو پل کی خاطر آ کر |
| پیار کے گیت سُنا جاؤ |
| شبنم کی صورت میں میرے |
| من کی پیاس بجھا جاؤ |
| جان نچھاور کر دوں گا میں |
| گر تو مجھ کو مل جاۓ |
| میرے دل کا غنچہ غنچہ |
| ساتھ خوشی کے کھل جائے |
| جب تک تیرے گرد رہیں گے |
| پہرے ان دیواروں کے |
| تب تک دیکھ نہیں سکتی تو |
| جلوے باغ بہاروں کے |
| آ تجھ کو آغوش میں لے کر |
| جان سے زیادہ پیار کروں |
| ابھریں جو الفاظ بدن پر |
| ان سب کا مفہوم پڑھوں |
| لیکن ایسا نا ممکن ہے |
| کوئی ایسی رات ملے |
| اک انمول نفیس بدن کے |
| جذبوں کی سوغات ملے |
| تیرے گھر میں آؤں کیسے |
| تہمت سے ڈر لگتا ہے |
| تیرے گھر میں روز میں آؤں |
| ویسے تو جی کرتا ہے |
| پھولوں کی خواہش میں کب تک |
| نفرت کے یہ خار چنیں |
| ہم اک ٹھوس حقیقت ہو کر |
| کیوں خوابوں کے جال بنیں |
معلومات