| اے میرے دلبر اے میرے جانی |
| تو ہے محبت کی زندگانی |
| تیری ادائیں تیرے فسانے |
| سبھی ہیں سُننا تیری زبانی |
| تو صبح کی ٹھنڈی دھوپ یارم |
| تو ہی بہاروں کی رُت سُہانی |
| تو سرد سی ٹھنڈی شام جیسا |
| تو چاند راتوں کی اِک کہانی |
| تیری حقیقت سمجھ سے بالا |
| تو اُجلا اُجلا میں کھارا پانی |
| ترا سراپا بیان سے باہر |
| تو آسمانوں کی ضوفشانی |
| تُو آرزو کی زبان بولے |
| کہ جیسے دریا کی ہو روانی |
| ہے تیری خوشبو کا سحر طاری |
| فلک سے برسے ہے میٹھا پانی |
| اُو جانِ "یاسر" تیری تمنا |
| ہے میرا مقصد میری کہانی |
معلومات