| ( بزم یاران سخن کے زیر اہتمام منعقد مشاعرے پر خراج تحسین ) |
| سجی ہے "بزمِ یارانِ سخن" یارو بہت عمدہ |
| بہاروں نے ہے مہکایا چمن یارو بہت عمدہ |
| ضیاءرحمن صدّیقی ہیں ناظم بزمِ یاراں کے |
| نظامت سے رکھیں سب کو مگن یارو بہت عمدہ |
| ملایا بزمِ یاراں نے سبھی شعراءکو محفل میں |
| پرانے دوستوں کا ہے ملن یارو بہت عمدہ |
| یہاں شعر و سخن کے سامری مسحور کر دیں گے |
| یہاں فنکار دکھلائیں گے فن یارو بہت عمدہ |
| بھلا کر فکرِ دوراں تم بتالو چین کے کچھ پل |
| یہاں اُترے گی دن بھر کی تھکن یارو بہت عمدہ |
| ملی ہے بزمِ یاراں میں بہت پُر لطف بریانی |
| خدا بخشے مزے کا تھا چکن یارو بہت عمدہ |
| کھل اٹھے"بزمِ یارانِ سخن" مثلِ چمن یارو |
| سنائے جب سحاب اپنا سخن یارو بہت عمدہ |
معلومات