| درد میں، فکر میں، دل میں جو بسا تُو ہی ہے |
| مجھ کو ہر حال میں محسوس ہوا تُو ہی ہے |
| خاک ہوں میں، میں خطا کار ہوں، عاصی بھی ہوں |
| پھر بھی اس دل کی فقط ایک دعا تُو ہی ہے |
| پھونک ڈالے ہیں سبھی حیلے بہانے میں نے |
| اب مرے دل کی حقیقت کی صدا تُو ہی ہے |
| اے خدا بخش دے تو، بخش دے عصیاں میرے |
| کہ مرے دل کی ندامت کا صِلہ تُو ہی ہے |
| ہر طرف شور ہے، طوفان میں دنیا گم ہے |
| میری بھٹکی ہوئی منزل کا پتا تُو ہی ہے |
| یاد کرتا ہوں میں تجھ کو تو یہ دل کہتا ہے |
| میرے ہر درد کی بس ایک دوا تُو ہی ہے |
معلومات