| فریب خوردہ ہو تم یا کہ حق شناس نہیں |
| بنے ہو دشمنِ جاں ، دوستی کا پاس نہیں |
| کسی نے دل میں عداوت جو ڈال دی ہو گی |
| گلہ ہے ہم سے ، تمہارے بنا ، اداس نہیں |
| جو نور اُترا فلک سےہمارے سینے میں |
| ہمارے چہرے پہ کیا اس کا انعکاس نہیں |
| جو دکھ میں روئے ہو تم ساتھ ہم تمہارے تھے |
| تمہیں ہمارا تبسّم بھی اب تو راس نہیں |
| تمہارے دُکھ سے ہمارے دلوں کو دکھ پہنچے |
| ہمارا تم سے تعلّق کہو کہ خاص نہیں |
| تمہارے دکھ میں ہوئے مبتلا یہی غم ہے |
| ہماری اور تو کوئی بھی وجہِ یاس نہیں |
| تم اس مقام پہ پہنچے ہو کر کے بد ظنّی |
| ہمیں تو لوٹنے کی اب تمہارے آس نہیں |
| نہ سن سکو ، نہ ہی بولو نہ دیکھ پاؤ تم |
| تمہارے کام کے باقی رہے حواس نہیں |
| ہے اُس کے ساتھ خدا اور ہم ہیں ساتھ اس کے |
| اسی لئے تو ہمیں خوف یا ہراس نہیں |
| خدا نے ہم کو ہدایت پہ کر دیا قائم |
| ہمیں یقین ہے طارق ، فقط ، قیاس نہیں |
معلومات