| ہمیں دسمبر کی لت لگا کر وہ جاچکا ہے |
| گزرنے والا، گزر رہا تھا، گزر گیا ہے |
| میں کیسے اس کو بتاؤں گا کہ محبتوں میں |
| میں ایک دستار سوچتا ہوں تو کیا برا ہے؟ |
| جو تین رستے تھے تینوں اک دن میں سر کئے ہیں |
| کہاں ملے گا؟ کہاں ملا تھا؟ تمہیں ملا ہے؟ |
| میں اپنی باتوں کو اپنی یادوں میں ڈھونڈتا ہوں |
| یہ شاعری میں جو کہہ دیا ہے، سو کہہ دیا ہے |
| یہ عشق تکمیل کر لیا ہے تو کیا صلہ ہے |
| خسارہ اس میں جو رکھ دیا ہے تو کیوں رکھا ہے؟ |
| وہ میرے کہنے پہ آج میری گلی میں آیا |
| اسے بتایا تھا کوئی بسمل ہے مر گیا ہے |
معلومات