| اس ہم نفس خاطر سہارے رکھ دئے |
| سب غم سمندر کہ کنارے رکھ دئے |
| اُس نے دیے کی مانگ کی ہم سے فقط |
| ہم نے دریچے میں ستارے رکھ دئے |
| اُس پارسا پہ آئے نا کوئی حرف |
| گُفتگو میں بھی اِشارے رکھ دئے |
| اُس کو عجب رنجش تھی میری یاد سے |
| منظر مٹایا سب نظارے رکھ دئے |
| ہاں ہم کبھی شوقین تھے رنگیں قبا |
| اب تو فقط پہنے،اُتارے رکھ دئے |
| سوداگروں نے جب لیا وہ نام تو |
| ہم نے ترازو میں سیارے رکھ دئے |
| تقسیم کرنے میں تھا وہ ماہر بہت |
| حصے میرے اُس نے گزارے رکھ دئے |
معلومات