| ہمارے عشق میں اپنی خوشی خراب نہ کر |
| اک انتظار میں یہ زندگی خراب نہ کر |
| ابھی دکھے ہیں سبھی درد اس کی آنکھوں میں |
| ورق پہ اتری یہ صورت ابھی خراب نہ کر |
| تجھے لکھا نہیں مالک نے میری قسمت میں |
| تو آ کے خواب میں عادت مری خراب نہ کر |
| وہ میرا عشق ہے اور عشق بھی ادھورا سا |
| خیال غیر مری عاشقی خراب نہ کر |
| دکھا جو دشت جنوں میں سراب کی صورت |
| اسے ہی تکنے دے دیوانگی خراب نہ کر |
| ردائے یاس میں پیوند ہیں اُمیدوں کے |
| ہوائے شوخ ادا اوڑھنی خراب نہ کر |
معلومات