| پیار میں تم نے جو دن رات گزارے ہوں گے |
| کیا نہ لمحے وہ تمہیں جان سے پیارے ہوں گے |
| کوئی تصویر جو آنکھوں میں سماتی ہو گی |
| ہوتے روشن سرِ مژگاں پہ ستارے ہوں گے |
| تم نے کیا چیر کے دیکھا ہے ہمارے دل کو |
| کیوں گزرتا ہے گماں ہم نہ تمہارے ہوں گے |
| کیا کبھی شکر ادا اس کا کیا ہے تم نے |
| جانے کتنے ہیں جو دکھ درد کے مارے ہوں گے |
| ہم عقیدہ ہیں محبّت میں ہمی تو ان سے |
| دل ہماری ہی طرح وہ بھی تو ہارے ہوں گے |
| کس کو فرصت ہے ہمیں آ کے کرے گا رخصت |
| وہ جو آ جائیں گے سب دوست ہمارے ہوں گے |
| طارِق آثار محبّت میں جنوں ایک سہی |
| یہ ضروری تو نہیں دشت میں سارے ہوں گے |
معلومات