| چوری ڈاکے ہزار ہوتے ہیں |
| تیرے لہجے ہزار ہوتے ہیں |
| آئینہ جب بھی ٹوٹ جاتا ہے |
| عکس اپنے ہزار ہوتے ہیں |
| خود ہی برباد یہ نہیں ہوتا |
| دل کےٹکڑے ہزار ہوتے ہیں |
| مان جاتا نہیں خدا یوں ہی |
| پہلے سجدے ہزار ہوتے ہیں |
| ہر کسی سے کہے نہیں جاتے |
| یوں تو دکھڑے ہزار ہوتے ہیں |
| اس قدر پیاس کا سبب کیا ہے |
| دل بھی ترسے ہزار ہوتے ہیں |
| اصل ہے جو نظر نہیں آتا |
| ملتے جُلتے ہزار ہوتے ہیں |
| بھیگ جاتے ہیں جب وہ یاد آئے |
| نین برسے ہزار ہوتے ہیں |
| جھانک کر دل میں دیکھ لو طارقؔ |
| رہ میں پھسلے ہزار ہوتے ہیں |
معلومات