جانشینِ مصطفیٰ صدیق ہیں صدیق ہیں |
دلبرِ شاہِ ہدیٰ صدیق ہیں صدیق ہیں |
خیبر و خندق حنین و بدر ہو چاہے احد |
کفر کی خاطر قضا صدیق ہیں صدیق ہیں |
عشقِ سرور میں نچھاور کر دیئے اہل و عیال |
ذاتِ اقدس پر فدا صدیق ہیں صدیق ہیں |
بعدِ ختم المرسلیں مخلوق میں برتر ہیں جو |
دین کے وہ پیشوا صدیق ہیں صدیق ہیں |
وقتِ ہجرت مصطفیٰ صلِّ علیٰ کے ہمسفر |
یارِ غارِ مصطفیٰ صدیق ہیں صدیق ہیں |
یا رسول اللہ میرے واسطے کافی ہیں آپ |
ہر گھڑی دیتے صدا صدیق ہیں صدیق ہیں |
درس دیتی ہے تصدق! آپ کی یہ زندگی |
پیکرِ صدق و صفا صدیق ہیں صدیق ہیں |
معلومات