| حبِ سرکارﷺ دل میں بسا لیجئے |
| سنتوں کو گلے سے لگا لیجئے |
| زندگی فاطمہؓ سی بنا لیجئے |
| میری بہنوں سروں پر ردا لیجئے |
| نور ہی نور سینوں میں بھر جائے گا |
| ذکرِ حق سے دلوں کو سجا لیجئے |
| کرکے مسمار دل سے بتوں کو جناب |
| "اپنے مولی کو دل میں بسا لیجئے" |
| کیجئے آہ و زاری تہجد میں آپ |
| اپنے خالق کو رو کر منا لیجئے |
| ہر گھڑی ہو لبوں پر درود و سلام |
| مشغلہ اس کو اپنا بنا لیجئے |
| دوستو! آج پڑھ پڑھ کے صلی علی |
| بزمِ مشقِ سخن کو سجا لیجئے |
| کوئی مومن اگر تم سے روٹھے کبھی |
| اس کو حسانؔ ہنس کر منا لیجئے |
معلومات