| میری قسمت کو اندھیروں سے بھری شام نہ دو |
| دل کے رشتوں کو مرے آج کوئی نام نہ دو |
| تم نہ پھر باندھو مجھے اپنی محبت میں یونہی |
| زندگی کو مری راہیں ، نیا کہرام نہ دو |
| نغمہ و نور کی محفل میں کسی ، دوست مرے |
| تشنگی کو کوئی مینا ، بھرا اب جام نہ دو |
| دنیا کو دو نہ کوئی کھیل ، تماشا ، قصہ |
| بات سن کے مری تم بھی کوئی دشنام نہ دو |
| کعبہ و دیر کہاں اور کہاں یار کا غم |
| اس محبت کو نگر ، شہر یوں گمنام نہ دو |
| غم کی شب چاند ، ستاروں میں گزر جائے گی |
| رات کی آنکھ کو نم ، موت کا پیغام نہ دو |
| ہم بھی احسان ترا چھوڑ کے جاتے ہیں کہیں |
| درد اک عمر کا ہم کو یونہی بے دام نہ دو |
| آج مے بھی نہیں شاہد ! کوئی محفل بھی نہیں |
| بے وفائی کا ہمیں تم بھی تو الزام نہ دو |
معلومات