شاید یہ جان بوجھ کے پہرے بدل دیئے |
الزام کو مٹانے یہ دعوے بدل دیئے |
موضوع زیرِ بحث تھا کچھ اور ہی مگر |
"کس نے بساطِ بحث کے مہرے بدل دیئے" |
آگاہ چالبازی سے جب لوگ ہو گئے |
مکر و فریب کے لئے حیلے بدل ديئے |
ذاتی مفاد نے اسے آخر جکڑ لیا |
مجبور رازدار نے لہجے بدل دیئے |
ذی فہم، اہلِ علم نے روشن طبق کئے |
تب سے شعورِ زیست کے صفحے بدل دیئے |
احوالِ قلب کھل گئے ناصؔر ہمارے اب |
احساس جاگ جانے سے رستے بدل دیئے |
معلومات