| صدائیں دینے والوں کو دعائیں دینے والوں کو |
| کبھی جھڑکا نہیں کرتے کبھی ٹوکا نہیں کرتے |
| جنہیں دل میں بسایا ہو جنہیں اپنا بنایا ہو |
| بچھڑ جائیں تو ان کی یاد کو روکا نہیں کرتے |
| جو چاہت میں محبت میں سدا مسرور رہتے ہیں |
| وفا سے باندھ کر خود کو کبھی ہوکا نہیں کرتے |
| تمہیں جس نے جلایا ہو بہت تم کو رلایا ہو |
| حسد کی آگ میں جل کر انہیں سوچا نہیں کرتے |
| جو راضی ہوں رضاؤں میں محبت کی فضاؤں میں |
| وہ چاہت کے جہانوں میں کبھی دھوکا نہیں کرتے |
| کسی کو دوست کہہ کہہ کر کسی کو یار کہہ کہہ کر |
| بدل کر بھیس دشمن کا کبھی ٹھوکا نہیں کرتے |
معلومات