| اے سرابِ زندگی، ہم نہیں ہوں گے خجل |
| فیصلہ ہے آخری، فیصلہ ہے یہ اٹل |
| سوچ کر چلیں گے ہم، چال آخری ابھی |
| اے بساطِ زندگی، ایک پل بس ایک پل |
| سجدہ میں کروں تو کیوں، آدمی کے سامنے؟ |
| میں فرشتہ تو نہیں ، اے خدائے لم یزل |
| حجرۂ وجود میں، زندگی اسی سے تھی |
| اس نے رخ پلٹ لیا، چھا گئی وہیں اجل |
| اپنی ذات ہے مری، یا میں کوئی عکس ہوں |
| یہ معمۂ وجود، کون کر سکا ہے حل |
| جشن اٹھ کے جانے کا، کیوں بپا ہے چار سو |
| کب میں اپنے آپ کو، مانتا تھا بے بدل |
معلومات