| ںعت شریف |
| اے مصطفیٰ، شاۂ حرم، آقا کرم آقا کرم |
| سركار ہو نظرِ كرم، آقا كرم آقا كرم |
| بے انتہا الفت محبت ہے خدا کو آپ سے |
| اس پیار ہی کی ہے قسم، آقا کرم آقا کرم |
| باری تعالیٰ نے دیا رحمت لقب قرآن میں |
| اے دافعِ رنج و الم، آقا کرم آقا کرم |
| ابنِ خلیلُ اللہ کے، عمران و ہاشم کے لئے |
| ہوں دور سب امّت كے غم، آقا کرم آقا کرم |
| حسنین کا اور فاطمہ کا اور علی کا واسطہ |
| ہر جا بجا رکھنا بھرم، آقا کرم آقا کرم |
| جل رہا ہے کب سے سینہ اب تو آقا آیئے |
| رکھیئے سینے پر قدم، آقا کرم آقا کرم |
| مل ہی نہیں سکتا خدا سے آپ سے جو نہ ملا |
| دیدار کے طالب ہیں ہم، آقا کرم آقا کرم |
| دیدار کی حسرت میں آقا آپ ہی کی یاد میں |
| شاہا عطا چشمانِ نم، آقا کرم آقا کرم |
| سرکار یہ ادنیٰ ذکیؔ بھی ہے گدا دربار کا |
| ہو ظرف میں زائد نہ کم، آقا کرم آقا کرم |
| حقیر فقیر، خاکِ کفِ نعلینِ پیر |
| پروفیسر ذکیؔ شطاری |
| نظام آباد |
معلومات