| بجتے ہیں شادیانے سرکار کی خبر ہے |
| مسرور دو جہاں ہیں دلدار کی خبر ہے |
| نغمہ سرا چمن میں اک خاص نغمگی ہے |
| لاکھوں درود لائیں شہکار کی خبر ہے |
| سورج پلٹ کے آیا دو پارہ چاند بھی ہے |
| جانِ جہان دلبر غمخوار کی خبر ہے |
| جو بے نیاز سوئے غافل بنے ہوئے تھے |
| بیدار ہیں وہ جس سے مختار کی خبر ہے |
| سرکار کے غلامو داماں دراز کر لو |
| الطافِ دلربا کے آثار کی خبر ہے |
| دافع بلا حبیبی امت کے پاسباں ہیں |
| باطل کے سر پہ حق سے تلوار کی خبر ہے |
| محمود شان اُن کی یہ آن بان اُن کی |
| قرآن والے ہیں یہ کردار کی خبر ہے |
معلومات