| ہم بھی خوشبو کا سفر دیکھیں گے |
| پیار میں کر کے سحر دیکھیں گے |
| جن سے روشن ہو گلی ، کوچے ، در |
| چاندنی شب ، وہ قمر دیکھیں گے |
| گیت گاتی ہو جہاں پر بلبل |
| گلستاں گل وہ شجر دیکھیں گے |
| جھیل سی گہری ، گلابی آنکھیں |
| ان میں ہم اپنا جگر دیکھیں گے |
| کیسے ہر حال میں خوش ہے یہ دل |
| چارہ گر ، اس کا ہنر دیکھیں گے |
| راستے بھول گئے ہیں جن کو |
| الفتوں کے وہ نگر دیکھیں گے |
| رکھ کے آنسو کو ہتھیلی پر ہم |
| اس سمندر میں بھنور دیکھیں گے |
| دل کو اب اپنے جلا کے شاہد |
| شوخ سا چہرہ ، نظر دیکھیں گے |
معلومات