| عشق تیرے نے سنوارا مجھ کو |
| درد تیرا ہے سہارا مجھ کو |
| ہے ملاقات بھی دلکش تیری |
| ہجر تیرے نے نکھارا مجھ کو |
| جس نے اک آگ لگا دی مجھ میں |
| مل گیا وہ ہی شرارہ مجھ کو |
| بیکراں پانیوں میں رہنا تھا |
| کیوں ملا پھر یہ کنارہ مجھ کو |
| زیر دشمن سے کہاں ہونا تھا |
| تیرے الفاظ نے مارا مجھ کو |
| میری امید بھی بھر آئے گر |
| پیار سے تم نے پکارا مجھ کو |
| میرے اطراف میں خوشبو تیری |
| تجھ سے ہے کون یوں پیارا مجھ کو |
| وہ بھی کیا وقت تھا گزرا ہم میں |
| یاد ہے ساتھ ہمارا مجھ کو |
| اے ہمایوں یہ بھٹکنا تیرا |
| کاش مل جائے ستارہ مجھ کو |
| ہمایوں |
معلومات