| یہ فاصلوں کے فلسفے جدائیوں کے رتجگے |
| یہ زندگی کا حسن ہیں یہ نم رتوں کے قمقمے |
| یہ آنسوؤں کی بارشیں یہ زیرِ لب شرارتیں |
| ملن کی یہ مسرتیں یہ فرقتوں کے سلسلے |
| گمان زندگی کا یہ امانِ زندگی ہے یہ |
| یہ ساماں زندگی کا ہے یہ زندگی کے وسوسے |
| یہ دیدہ زیب پیرہن لگے ہیں رنگ جس میں سب |
| یہ خار کی الگ چبھن گلوں کے ہیں یہ قہقہے |
| یہ رمز بھی عجب سی ہے کہ ہر قدم یہ حوصلہ |
| جوان ہے یہ ولولہ کمال ہیں مخمسے |
| یہ اب کے غم جو آئیں گے تری طرف ہمایوں بس |
| یوں چوم لینا ان کو تم سنبھالنا ہے ہر سمے |
| ہمایوں |
معلومات