| زندگی نکھرتی ہے بندگی نکھرتی ہے |
| مدحتِ محمد سے شاعری نکھرتی ہے |
| چاند بھی کرے سجدہ روضۂِ محمد پر |
| چاند کی مدینے میں چاندنی نکھرتی ہے |
| درس ہم کو دیتی ہے یہ بلال کی ہستی |
| جب جفائیں ہوتی ہیں عاشقی نکھرتی ہے |
| محفلِ شہِ عالم جس جگہ سجاتے ہیں |
| وہ نگر نکھرتا ہے وہ گلی نکھرتی ہے |
| جب کوئی بھی کرتا ہے گفتگو مدینے کی |
| گلشنِ محبت کی ہر کلی نکھرتی ہے |
| سنتِ صفی اللہ ہر گھڑی ادا کرنا |
| بالیقیں نگاہوں کی روشنی نکھرتی ہے |
| جھومتا تصدق ہے بخت شادمانی میں |
| جب درود پڑھتا ہوں ہر خوشی نکھرتی ہے |
معلومات