بوجھل سے لگ رہے ہو استاد تو نہیں ہو ؟ |
فکر معاش میں ہو استاد تو نہیں ہو ؟ |
رستے بنا کے دیتے تھے تم جو سب کو صاحب |
رستے میں خود ہو بیٹھے استاد تو نہیں ہو ؟ |
سب کو جو دی ہے عزت سب محترم ہیں ٹھہرے |
عزت جو ڈھونڈتے ہو استاد تو نہیں ہو ؟ |
حشرات کے ہو قاتل مقتول بن رہے ہو |
مچھر جو مارتے ہو استاد تو نہیں ہو ؟ |
ووٹوں کے سلسلوں میں جاتے ہو تم کئی دن |
حاکم ہو خود بناتے استاد تو نہیں ہو ؟ |
تم جو نکل رہے ہو نسل وطن کی خاطر |
احسان کر رہے ہو استاد تو نہیں ہو ؟ |
ظالم کے سامنے بھی آخر ہو تم ہی ٹھہرے |
جرات دکھا رہے ہو استاد تو نہیں ہو ؟ |
جھوٹوں نے مل کے لکھا ہے قسمت کا جو ترانہ |
وہ سب مٹا رہے ہو استاد تو نہیں ہو ؟ |
GMKHAN |
معلومات